اليوما بغيت نهضر ليكوم على كيفاش تقرا وتعلم فأي دومين بغيتي وبأي لغة ب 0 درهم، بغض النظر علا السن ديالك أو المستوى الدراسي لي عندك. وكيفاش تسلك راسك لأن التعليم فالمغرب كارثي ماكيفرح لا عدو ولا صديق، وحيث هادشي لي وصلنا ليه دبا واقعي وخاصنا نتعاملو معاه، لذلك خصنا البديل ومن بين الحلول نتاشر فالعالم ِمِؤخرا ما يسمى ب Massive Open Online Course الإختصار هو MOOC ولي كاتعني التعليم المفتوح للجميع على الأنترنيت باختصار "المووك". هاذ المووك بحال أي تعليم كاتعلمو عن طريق الأنترنيت ولا كين ماشي غير بواسطة فديوهات صافي ، الفرق لي كاين هو جامعات كبار وأساتذة جامعيين هوما لي كايقادو الدروس باش إيكونو بحال داكشي لي كايتقرا فالجامعات ديالهوم.بالإضافة للمعلومات والخبرة لي غاذي تلاحظها ف لي مووك، كايمكن ليك تواصل مع الأساتذة لي معاك و البشري لاخور لي كايقرا معاك وتناقش معاهوم خصوصا أنه فهاذ النوع ديال الدرووس كايكون واحد الوقت محدد يعني عندو تاريخ ديال البداية والتاريخ ديال النهاية باش إيكونوا الطلبة والمدرسيين مجموعيين فواحد الفترة معينة وتكون النقاشات فعالة.حاجة أخرى مهمة بزااف بزااف كاتاخذ شهادة (كريطينة أونلاين) فلافان ديال المووك من بعد ماكتنجح فالاختبارات لي كايكونوا متنوعين على حسب النوعية ديال الدروس. لحد الان كلشي مزيان ولكن أشنو خاصك دير ؟؟ داكشي ساهل ماعليك غير تدخل لهاذ المواقع لي فالتحت أو أي موقع اخر ديال MOOC وتسجل معاهوم عن طريق الإمايل أو الفايسبووك وتختار المووك لي بغيتي، الدروس كايكونوا متنوعين وفأي دوميين بغيتي البرمجة، الكومرس، الطب، الجيولوجيا، الهندسة، البيولوجيا، علم النفس، الفلسفة ... أي حاجة عندك الشغف باش تعلمها.
هاهوما المواقع،
-الا بغيتي تعلم بالعربية
- الا بغيتي تعلم بالفرونسي
- الا بغيتي تعلم بالانجليزية
هاذ جوج ديال لي سييت هوما لي مشهورين ، بعد المرات كايكونو فيهوم لي مووك كايديروهوم أفضل جامعات العالم بحال جامعة هارفارد، أكسفورد، ستانفود وكايعطيوك شهادة معترف بها لي تقدر تزيدها ف CV ديالك.
وكاين
بارطاجي يقد ينفع غيرك
No comments:
Post a Comment